“ကြာရှည် ရပ်နားထားပြီး၊ စီးပွားရေး တွက်ခြေ မကိုက်သည့် ရေယာဉ်/ တွဲယာဉ်ဟောင်း (၅၄) စီးအား အိတ်ဖွင့် လေလံ စနစ်ဖြင့် လေလံတင် ရောင်းချပွဲ ကျင်းပ"

ပြည်တွင်းရေကြောင်း ပို့ဆောင်ရေးမှ ကြာရှည် ရပ်နားထားပြီး၊ စီးပွားရေး တွက်ခြေ မကိုက်သည့် ရေယာဉ်/ တွဲယာဉ်ဟောင်း (၅၄) စီးအား အိတ်ဖွင့်လေလံ စနစ်ဖြင့် လေလံတင် ရောင်းချခြင်း အခမ်းအနားကို (၂၅.၁၁.၂၀၁၆) ရက်နေ့ (၁၀:၀၀) နာရီအချိန်တွင် ပြည်တွင်းရေကြောင်း ပို့ဆောင်ရေး (ရုံးချုပ်)၊ ကွပ်ကဲ ခန်းမတွင် ကျင်းပပြုလုပ်ရာ ဦးဆောင် ညွှန်ကြားရေးမှူး ဦးဇော်၀င်း နှင့်လေလံတင် ထုခွဲရောင်းချရေး ကော်မတီ အဖွဲ့၀င်များ၊ အာရှ ဖွံ့ဖြိုးရေးဘဏ်မှ State Enterprise Reform Specialist Mr. Peter Benson နှင့် လေလံ၀င်ရောက် ယှဉ်ပြိုင်ကြသူများ တက်ရောက်ကြ ပါသည်။ အဆိုပါ ရေယာဉ်များအား တစ်စီးချင်းအလိုက် အိတ်ဖွင့်လေလံ ယှဉ်ပြိုင်စေခဲ့ရာ စုစုပေါင်း (၁၅) စီး လေလံ အောင်မြင်ခဲ့ ပါသည်။